Benvenite! Ecce le sito del Union Norvegian pro Interlingua.

PREFACIO:

In tempores ancian nos appareva del nationes nordic como devas o deos in nostre citate Osgard in le celos, e nos anque incarnava como esseres human in vostre historia in Midgard, que es vostre regno.

Ma, regrettabilemente, il ha pareva altere religiones e gruppas politique, que ha un attituda hostil de nostre nationes nordic, e que ha establite ce que on apella un ecclesia christian. On ha exterminate omnes que ha un amor e un fidelitate a Osgard, e on ha ganiate un subservientia total in Europa.

Nonobstante, nos ha construite un systema pro conservar le memoria del Osir e Vanir in le nord. In le linguas nordic e anglese, nos ha imprimite le nomines de nostre personalitates primal, e in nostre reintroduction in tempores moderne, nos va usar iste nomines como un ponte al subconscientia de nostre infantes, e nos nos presentara como archetypes pro ganiar lor attention sin provocar le resistentia de lor tendencias critical, analytic e christian.

Iste approcha es vital pro salvar lor anima racial del pollution del influentias estranie. Nos nos ha congregate in Osa-Ting (nostre concilio) hic in Osgard, e ha decidite emplear UNI pro iste projecto. Assi nos va ganiar le attention de nostre infantes qui son dispergite inter le nationes del mundo.

Le septimana

Como le prime action in crear le mundo nos ha ordinate le septimana. Como vos ha observate il ha 52 septimanas in un anno, plus un die que es extra temporal, i.e. sin existentia in tempore mundial. Iste die es Yul-die, le medio del hiberno, e anque un die cata quarte anno.

Le dies son: 

Assi nos ha assignate un die pro le Sol, un pro le Luna, tres pro le Osir Ty, Odin e Tor, e un pro le Vanir Frey e Freya.

E ora nos va presentar iste personas e historias maravelliose de su vitas.

N.B. Forsan il parerea del philologistas qui ha studiate le mythologia ancian del nationes nordic que alicun del reportos in iste libro son incorrecte. Nos vos assecura que nos son san e remora nostre historia.

Jotunheim es le habitat del jotuns o jotnir, e es situate in Utgard, le feroce montanas e regiones deserte e frigide. Le jotnir son le gigantes e brutes ancian. E quando Odin e Sleipnir era in alto in le nubes super le ferma del jotun Hrugnir, le gigante le ha vidite e critava a Odin: „Qui es tu con le casco de auro e le cavallo con octo gambas?“

E Odin respondeva que su cavallo es le plus rapide del tres regnos. Odin es multo fer, si, al tempores quasi orgoliose, e al fin iste pote devenir su debilitate fatal. In iste caso Hrugnir era provocate e ha spondite que su proprie cavallo, Gullfax, o in interlingua Aurocriniera, con su gambas tres longe, sera le champion. Odin respondeva con arrogantia, e Hrugnir montava Gullfax in furor e chassa Odin in le celo. In su rage Hrugnir oblidava tempore e loco, e subito illes era super le portas de Valhall, le castello de Odin e le Osir in Osgard.

Quando Hrugnir ha discoperite su situation, le furor subsideva e cambiava a timor. Ma Odin le offereva entrar su castello in pace, e Hrugnir acceptava. E tosto Hrugnir era sedite in Valhall con un corno plen de mjod, le plus forte biberage nos ha. E Hrugnir bibeva con nos omnes, e ille era ebrie e vangloriose. Ille diceva que ille prendera Valhall e portara lo e Freya e Siv a Jotunheim e  occidera nos omnes, e que ille bibera nostre bira al ultime gutta.

E Odin lassava Hrugnir retornar con Gullfax a su residentia in Jotunheim. Plure menses passava antea le invitation arrivava pro nostre battalia in Utgard. Le jotnir habeva preparate pro le occation. Illes sapeva que io les exterminarea si io vincerea le lucta. Assi le gigantes ha facite un homine de fango, su alte de nove millias, e tres millias de largor, e con un corde de un cavalla.

Le corde de Hrugnir era de petra con spicas. Su capite anque era de petra e habeva tres cornos, e su fuste e scuto anque era de petra. Hrugnir e le gigante de fango attendeva al bordo de Jotunheim pro luctar con me e mi amico Tjalfi. Antea illes ha nos vidite, io me celava quando Tjalfi les approchava.

Tjalfi diceva a Hrugnir que il era mal avisate se celar post su scuto. “Tor va excavar le terra e te attacar sub tu pedes. Si tu pone tu scuto al terra sub tu pedes Tor non va succeder!” Assi Hrugnir poneva su scuto sub su pedes e prendeva su fuste in ambe manos.

Alora io attaccava con ferocitate, jectante Mjolner al ipse momento que Hrugnir jectava su fuste verso me. Mjolner e le fuste se incontrava in aero, e le fuste explodeva in mille fragmentos. Un fragmento colpava mi capite, ma Mjolner findeva le capite de Hrugnir e le molinava a arena.

Hrugnir cadeva a me, e io ha le peso de su gamba a mi collo. Thalfi occideva le gigante de fango sin difficultate, e su occupava in liberar me. Ma in despecto su fortia il era impossibile.

Ma io ha un filio con le gigantessa Jernsaxa (Ferro-spada). Su nomine es Magni (Grande), e a iste tempore Magni habeva tres dies. Magni arrivava, e elevante le gamba de Hrugnir, ille me adressava: „Patre! Io regretta esser si retardate in arrivar al lucta. Io sape que io occiderea Hrugnir con mi pugno si io le habeva incontrate in battalia.”

Io imbraciava mi car filio e diceva: “Mi car filio! Io te da Gullfax, le cavallo de Hrugnir, pro esser tu proprietate pro sempre!”

Alora io cercava le maga Groa pro haber le rocca in mi capite extrahite. Ma in le momento quando illa era al bordo de pronunciar su formula magic, io ha mentionate que io ha incontrate sa marito Aurvandil e le ha apportate trans un fluvio in un corbe. Un digito de su pede ha essite gelate. Aurvandil prendeva le digito e lo jectava in alto in le celo, ubi le digito se ha cambiate al stella nominate ”Aurvandils Digito”. Anque io ha informate Groa que su marita va retornar tosto.

Groa ha essite si felice, illa ha oblidate completemente le formula magic, e ecce a iste die io ha le fragmento del fuste como un corno in mi capite.

WYRD   Le Wyrd e le Nornes Pre esser Es nihil e nemo, ni tempore, ni spacio, ni conscientia. Se apella Wyrd, le Matrice, Nifilheim, Nil.

Assi  Wyrd es semper con nos.
Es le Fundo,
le Essentia.
Wyrd non ha existentia.
Assi ce que es
Emerge del ce que non es. 

Del Wyrd emerge Urd.
Illa es le Matre primal, le Granmatre.
E illa es le Regina del passate.

De Urd emerge Verdande.
Illa es le Matre
E le Regina del presente.

De Verdande emerge Skuld.
Illa es le celibe
E le Princessa del futura.

Le tres son sorores.
Illes son Reginas de
tempore, spacio, conscientia,
de ce que exista,
del Fato de omne esseres.

Son le texitoras de nostre vita.
Sedente sub Ygdrasil,
Le arbore del vita,
Al fontana del vita.

Son omnisciente,
Son omni presente,
Son un esser, un matre:
Le matre de nos omne.

Tor vadeva lontan e large e videva tote le paises e populos. Sol ille vinceva battalias contra berserks e gigantes, e contra un dracon colossal e multe animales.

In le nord del mundo ille incontrava un maga, Sibil, illa qui nos apella Siv, e illa deveniva su marita. Illa era le plus belle femina que on ha vidite, con capillos como auro. Le filio de Tor e Siv es Lorride. Ecce le lineage de Tor a Odin:

Tor, Lorride, Einride, Vingtor, Vingne, Mode, Mage, Seskev, Bedvig, Annan, Itrmann, Hermod, Skjold, Bjar, Jat, Gudolv, Finn, Fridleiv, Odin.

Odin deveniva famose per su sagessa e perspicacia. Su marita, Frigida, es ella qui nos appella Frigga. Odin era magico e propheto, e anque Frigga habeva iste talentes. Odin dunque ha trovate que su nomine serea celebrate in le nord del mundo, plus que le nomines de omne reges, e ille decideva partir de Tyrkland.

Con illes partiva un multitude, juvenes e vetules, masculos e feminas con tressores e richessas. E ubique illes viagiava, lor reputation e fama los sequeva, e illes pareva plus como deitates que como humanos. Lor viage non cessava ante illos arrivava in Saksland. Su filios extendeva lor regnos a Frankland (e in se tempore anque a England).

Odin conquereva omne iste territorias, e tres de su filios deveniva reges la, quando Odin continuava su viage nord a Jylland e Odinsay, a Svitjod (Svedia) e al west usque ille arrivava al mer qui on credeva circumfere tote le mundo. E la, in le pais que nos appella Norge (Norvegia), Odin ordinava su filio Seming le rege. Odin era le rege de Svitjod e habitava in Sigtun. Ille establiva un governemento de 12 reges, justo que il habeva essite in Troya. Yngve era le supreme rege post Odin, e su descendentes, le Ynglingar, era le familia royal pro sempre.

Le gentes (populos, nationes) de Odin era le Osir, e lor lingua e cultura se disseminava in tote le nord.

Odin habeva le costume de poner su manos a lor capites e les benedicer. Su guerreros, quando in periculo al mer o al terra, invocava su nominee e se fideva a Odin.

Inimicos del Osir (Oses) era le Vanir (Vanes). Post multe guerras e battalias le Osir e le Vanir decideva haber un concilio de pace, e illes cambiava hostages. Le Vanir dava lor plus habile e melior personas: Njord e su filio Frey e su filia Freya, le sage Kvase e Heimdal de qui nos narrara plus tarde. Le Osir dava un homine bon e belle, su nomine Hone, e anque le sage Mime.

In Vanaheim, le pais del Vanir, Hone deveniva un principal, e Mime le sequeva e consileva in omne concilios e judicamentos. Ma al tempores quando Mime non era presente, Hone sempre diceva “Le alteres debe decider!” E in iste maniera il pareva clar al Vanir que le Osir les ha fraudava.

Alora le Vanir decapitava Mime e inviava su capite al Osir. Odin imbalsava le capite pro preservar lo. E quancunque Odin habeva besonia del sagessa de Mime le capite parlava con ille.

Odin ordinava Njord e Frey sacredotes e diar inter le Osir. Freya era lor blotgydje, lor prestessa del sacrificios de sanguine. Illa era le prime de inseniar le Osir seid, que es le magia del Vanir. In Vanaheim Njord ha essite maritava a su soror. Ma inter le Osir on non pote haber su soror pro sposa, proque il era un connexion troppo proxime.

Un grande catena de montanas se extende del nord-est al sud-west separante Grande Svitjod (Russia e Ukraina) del altere paises. A sud de iste catena es proxime de Tyrkland ubi Odin habeva su grande proprietates. In iste era, le armeas Roman se propagava vastemente al terra. Ma Odin era vidente e un magico, e ille sapeva que su descendentes se establira in le nord del terra.

Dunque ille poneva su fratres Ve e Vilje pro principales in Osgard. E Odin viagiava con le diar e su multitudes al west a Gardarike e al sud a Saksland ubi ille establiva su filios como reges. Postea ille viagiava al nord, al paises que nos hodie appella Danmark, Svitjod (Svedia) e Norge (Norvegia).

Gylve, le rege in Svitjod, comprendeva que Odin sera troppo forte que ille. Dunque Gylve faceva pace con Odin, e Odin se establiva in Sigtuna e dava a Njord Noatun, a Frey Uppsala, a Heimdal le Himmelberg, a Tor Trudvang e a Balder Breidablikk, omne iste son fermas excellente.

Ecce le introduction de narrar le historias e sagas del Osir e Vanir qui ha essite como deos e deas del nationes del nord.

Odin ha le potentia de cambiar su apparentia e su color. Anque ille parlava si que omne auditores crede que omne su declarationes e su expositiones son le sol veritate. Odin parla in un stilo poetic que on apella skaldskap.

In guerra Odin pote facer su inimicos cec e surde e debile de terror e que lor armas sera inutile. Ma su proprie guerreros approcha sin armatura e sera folle e terribile como ursos o tauros. Illes son le berserkes.

Sovente Odin cambia su apparentia e corpore. Su proprie corpore sera como morte o somnibulante, quando Odin sera un ave, un animal, un pisce o un serpente. Instatanemente Odin se pote transportar a locos distante, al altere mundos, regnos e realitates. Ille pote pacificar le undas del mar, e con un sol parola extinguer le foco. Odin ha un cavallo, Sleipner, con octo gambas. Su nave, Skipladner, viaga vaste distantias, e on pote le plicar como un drappo.

Le capite de Mime lo narra novas de altere existentias e realitates, e Odin in tempore del tempore evelia mortes o sede sub un persona executava al furca, pro ganiar information.

Pro ganiar sagessa Odin pagava un de su oculos. E pro ganiar cognoscentia de runer (le litteras magical) Odin se voluntaremente suspendeva nove noctes e nove dies del arbore de sagessa.

Le sagessa e le scientia de Odin era inseniava al diar, al sages e magos. Ma Freya, le prestessa, que es anque le dia del amor, inseniava le magia de seid a Odin.

Odin era le prime rege del nord, e post ille Njord, e post ille Frey, e post ille Freya era le regina. Omne le Osir e Vanir deveniva reguardite esser deos e dias post lor morte. E on ha credite que illes retornava a  Osgard que era in un loco celestial. Frey anque es nominate Yngve, e le reges del paises Nordic son nominate le Ynglinges.

Deos e deas in le Osatru, son mortal e imperfecte, como nos. E illes coopera con nos in le lucta versos trolles, gigantes e monstros. Nos son permittite de rider del follias de Odin, Tor e Loke, e de admirar le belle Freya anque in su aventuras amorose.

Le feminas in le Osatru non son in servitude del masculos, ma pote exequer lor voler con fortia e furor. Le humanitate non es perdite e in besonio de salute e del gratia del deos o deas.

Dunque le introduction del christianismo in le nord era un violentia contra nostre libertate individual, creante un psychologia subversive e con un attitude estranie del spirito nordic. Fortunatemente cambias in le attitudes del ecclesia ha melioriate nostre associationes con le potentias celestial.

Njord e su geminos Frey e Freya son presentate como sclavos de lor desiros sexual. E, in le conto sequente vos va vider que anque io es rendite le mesme reputation.

In facto, le veritate es que nos, le Vanir, pertine a un era ancian, le era que un ahora denota “le Era de Bronzo”, ma que era in realitate le Era del Auro. Nostre preferentia de bronzo super ferro non era causite de ignorantia. Qualcunque idiota ha le abilitate de cader in un marisco e discoperir ferro. Ma producer bronzo exige cultura, technologia, metallurgia, abilitate de construir naves, navigation, commerciar, sciencia de geographia e linguas, e un nivau politique, e jurisdicia e diplomacia, un intergration social e un cultura tres elevate.

Le Osir ha nulle capacitate de comprenir iste conceptos. Illes son le producto del collapso del cultura mundial. Lor prime ideal es batallia e luctas. Illes crede que assassinar es superior a cultivar, que destruir es superior a construir. Lor sexualitate pare esser un desira de stupor e violentia.

Nostre civilisation era un de pace, ubi le prime valor era crear e amar, producer e nutrir vita e non le destruer. A consequentia nostre Freya, le deva de amor, Njord e Frey, devas de fertilitate e pace, e io mesme, attende nostre tempore pro restituer sanitate e pace al Terra.

E ecce un del contas que le Osir ama de recontar de me.

Ille acceptava e se presenteva con su nomine Rig, Il habeva solmente un lecto la, ma le vetules invitava Rig a dormir inter illes. Rig restava con le copula tres dies, e postea los saluteva a revider.

Menses passava, e Grangranmatre parturiva un filio. Trel era su nomine. Ce es Sclavo in tu lingua. Trel habeva capillos nigre, apparentia repulsive e pedes grosse e platte. Ma maturante ille sera forte e robuste, capable a portar oneres pesante.

Heimdall, o que ille se apellava, Rig, vadeva largemente e longe in le vias de Midgard e trovava un casa grande, ben construite e fortificate. Le maestro del casa se apellava Granpatre, e le matron Granmatre Illes habeva vestimentos de lana e telo de lino del qualitate superior. Granpatre se occupava de un obra de arte, un carpenteria, e Granmatre era a sa telario.

Illes le ha salutate benevenite e le offerite alimentos e bira. E postea illes dormiva in le sol lecto del casa, con Rig inter le duo. In iste maniera ille gaudeva in communicar e dormir  tres dies e tres noctes.

Menses passava, e Granmatre parturiva un filio. Illes le aspergeva con aqua e le appelava Karl. Il deveniva un homine forte e bon, e anque un fermerero competente.

De novo Heimdall, Rig, vadeva largemente e longe in le vias de Midgard e trovava un castello grande. Le portas faceva al sud e era claudite.  Ma un anello de auro era al porta, e Rig, aperante le porta entrava, e ecce un copula si belle e si gentil que on pote trovar. Lor nomines era Patre e Matre. Ambes habeva vestimentos de multe colores, e de material costose, e illes habeva capillos como auro.

Patre faceva un corda de su arco e flechas longe e tenue. Matre sueva textiles costose con cordes e broderias del auro pur.

Illes era tres hospitabile e ha demandite si ille pote restar qualque dies. Rig ha acceptate lor invitation, e ille se ha sedite inter le duo e ha contava de su viages e aventuras . Matre ha preparate un repasto con pan e vino in calices de argento, e con fructos e viande. E postea Rig dormiva inter le duo in lor lecto. E post tres dies e noctes Rig partiva con un “A revider!” e retornava a su viage.

Menses passava, e Matre parturiva un filio. Illes le aspergeva con aqua e le appelava Jarl, i.e. Conte. Jarl era blonde, capillos radiante como le sol, oculos blau como le cielo in maio. Jarl, maturava a un felice e forte guerrero e un soverano de homines.

Un die, quando Jarl era in le silvas, Rig le incontrava, e Rig le inseniava le runes, i.e. le signos o litteras mysteriose e occulte que pertine al nationes nordic. Rig le appelava su filio, e le commandava prender possession de grande proprietates.

Ecce Jarl
Trans silvas tenebrose,
Super montanas frigide
Cavalcada.
Arrivava a un castello.
Su lancea agitante,
su spada tirante
Jarl volava a batallia.

Sanguine al campo,
Su inimicos destruite,
Jarl vinceva,
Pillage era divideva
Inter su cavalleros.

Dece octo fermas
Jarl possedeva.
Tresores donava,
Stallones rapide
Auro radiante
Anellos e spadas. 

Jarl a su viage trovava un altere castello. Ille prendeva le filia del proprietario pro uxor, sa cute blanc, sa capillos blonde, sa digitos longe e molle. Lor annos passava in amor e felicitate.

Ma, que expectar del Osir?

E alora, un description del Osir de mi functiones in lor Osgard e lor historia:

Heimdall e Gjallarhorn

Heimdall es le guardiano de Osgard. Sempre ille guarda Bifrost, le ponte del iride que se extende trans le abysso inter Midgard e Osgard.

Heimdall ha sensos si acute e tenere que ille pote audir le herbas crescer e anque le pelle del oves. E su oculos pote vider a mille millias le plus parve detalias, die e nocte. Heimdall es maravelliose intelligente e sape le tote, le occulte mysterias e omne scientias. E ille ha le capacitate de esser vigilante e sin dormir, plus que omne altere esseres.

Le Osir, in lor admiration, le ha date grande donos. Le plus excellentes son un spada e su grande corno Gjallarhorn. Si alicun transversa Bivrost, Heimdall va sonar Gjallarhorn. Al fin del eras, quando le inimicos de Osir e homines arriva pro destruer le mundo, Heimdall sonara Gjallarhorn e Bivrost collapsara in un tremor enorme del terra. Ce es Ragnarok, (ce que le hebreos apella Harmageddon o Ha Ar Megiddo).

Heimdall porta vestimentos albe que le nive, e ille es radiante como le sol.

Commento per Heimdall

Vos recognosce le similaritates in iste mytho e los del Biblia. Naturallemente le origin ancian es commun e ha elementos prophetic que omne eras pare applicar a su ipse tempore.

Le descriptiones de me e mi intelligentia etc son correcte.

Baldur es radiante e belle e omne personas que  le cognoce le ama. Baldur es le superior expression del beltate masculin del racia nordic, con su capillos blonde e su oculos blau.

Su matre, in su ama, ha visitate omne esseres e plantas in le mundo e securava lor juramento de nunquam facer mal a Baldur. Le aves in le aero, le pisces in le mar, omne esseres que ir al pede, omne arbores e flores, spiritos e trolls, roccas e montanas, nive e vento, omnes ha promittite e declarate su ama de Baldur.

Baldur habitava in su castello Breidablikk (Vaste Vista), con su tecto de argento, supportate de columnas de auro, ubi solemente ce que es pur e sincere es acceptate de entrar. Hic Baldur demorava con su marita Nanna (Flor) e su filia Nip (Button) que son le ideales feminin de nostre race, plen beltate e charme.

Al plana de Idavoll era le campo de joco del osir. Illes se amusava de jectar lanceas e hachas e tirar flechas a Baldur, proque on sapeva que un alliantia existeva con omne esseres e omne cosas de nunquam facer mal a Baldur.

al direction e con le supporta de Loke, Hodir jectava le lancea e Baldur cadeva morte a Idavoll. Le osir se affligeva e portava le cadavere a Breidablikk. E Frigga e Odin, Nanna e Nip plorava. Un grande timor del futura eveniva. Es que ce era le tempore de Ragnarok?

In Nifilheim es le habitation del mortes. Le filia de Loke, su nomine es Hel, es le regina in iste loco. E alora Baldur passava a Nifilheim. Frigga e Odin promitteva grande richesses de premio a los que pote extraher Baldur e le retornar a Osgard. On tentava trovar qualquno pro inviar a Nifilheim e persuar Hel de liberar Baldur. Hermod ama Baldur e ille era seligite a facer le expedition. Odin prestava Sleipnir, su cavallo con le octo pedes, a Hermod. Le viage era dangerose e dificile, descender le cavas e  vias subterranian al profundas del terra. Al porta de entrar es le cane Garm pro guardar contra visitores.

E anque le osir era gaudiose quando Hermod declarava le condition a qui Hel ha promittite liberar Baldur. Illes inviava messageros in omne directiones e vias pro asassecurar que omnes plorava.

Ma in un caverna era un jotne-kjerring, un gigantessa, que jurava nunquam plorar pro Baldur.

Le osir era furiose a audir que un persona si dur e omniose existeva qui non voleva liberar le bon Baldur. Illes ha discoperite que le gigantessa era Loki, e que ille anque era le ver assasinator de Baldur. Le osir serchava in le montanas e le mares, in omne locos, e al fin illes trovava Loki e le capturava e le ligava a un rocca pro restar la al fin del tempores.

Le jotna Skaldi ha fixate un serpente super su capite, e le serpente gutta veneno frigide in su facie. Ma su marita fidel, Sigyn, es la con un cuppa pro capturar le guttas. Quando Sigyn debe vacuar le cuppa, e le venemo gutta in su facie, Loke, in su tormento causa tremores del terra.

Ma nos sape que al fin de Ragnarok, Baldur retornara pro esser le rege al mundo nove pro eternitate. E al nove mundo sera pace e felicitate pro omnes.

Urd es le vetule e le regina del passate. Verdande es le femina mature, le matre, le regina del presente, e le jeunesse, le virgine es Skuld qui es le regina del futura. On dice que omne le texturas e designas que Urd e Verdande face, Skuld destrue. Skuld es obskur, il es impossibile vider su facie.

Nos ha un tendencia de considerer le futura como indeterminante e le passate como fixate e non possibile de alterer. Le presente, que es solmente un filamento separante le futuro e le passate, es in iste maniera donate le qualitate e autoritate de cambiar le indeterminante al determinante, le incerte e aperte al fixate, le vivente e plenate de potentia al morite e impotente.

Il es un  sol veritate, e le presente es in le passate e in le futuro e ha nulle attribute de cambiar le un del altere. Isto es le mysterio del tres Norns.

Le tres son in veritate un. Le Matre del existencia e le Matrice in le nonexistencia da un presente eternal. E lor textura, le filos de lor telario es nostre destino in e ex passate e futuro.

FIMBULVINTER

Fratres occide
Le un le altere.
Sorores strido.
Parentes parte..
Dur es in Midgard.
Hachas e spadas.
Scutos e sabres,
Lupos e luctas
Ante approcha
Ragnarok

Matres mori.
Patres mori.
Omnes son mortal.
Ma, il ha ce sin morir:
Le morts memorial.

RAGNAROK

E al tempore de Ragnarok, le grande batallia del fin del nostre era iste serpentes invadera le Midgard. Jotnir, trolls, obscur esseres e  spiritos maligne arriva pro destruer e occider. Fenrir, le lupo e su patre Loki son liberate de su catenas. Del sud arriva Surt (Nigre) con su armeas, e omne istes va contra le osir a Idavoll pro le batallia final.

Ecce!
Nunc sona Heimdal su corno
Gjallarhorn
In alte voce,
Gjallarhorn in alte levate.

Odin consulta
Le capite Mimes.
Yggdrasil sta,
Su radices firme
In terra del sol ancian.

Jotnir son libre
Attacar, destruer.
Garm latra al porta de Hel.
Su catena rumpite
Le cane curre.
Sagas revelate
Adverte advento
De Ragnarok.

Filio Odins
Brilliante arriva
al batallia contra Surt.
Le guarda de Midgard
Cade a Vigrid,
Su assigno finite
Ma vivante su spirito.

Matres mori.
Patres mori.
Omnes son mortal.
Ma, il ha ce sin morir:
Le morts memorial.

TERRA NOVE

Osir se assembla
A Idavoll,
Parla del passate
Valente victorias,
Memora su meritas,
Le runir de Odin,
Le mysterias ancian.

Del nove le tabulas
Del auro pur
Sera trovate,
In le herbas celate.
Illos del era primal.

Con Salutes!

OSA TING.

Send e-post med spørsmål om interlingua til info@interlingua.no

Pagina principal