Benvenite! Ecce le sito del Union Norvegian pro Interlingua.

Lection vinti-novem    Vinti-none lection.

 Senior e seniora Hansen es sol in un restaurante. Le infantes vide television al hotel.

"Como le restaurante es bon!" exclama sra. Hansen.

"Como le restaurante es expensive!" declara sr. Hansen. "Ma solmente un restaurante de prime classe pro nostre anniversario."

Un camerero les conduce a lor tabula e demanda: "Con que pote io servir vos, senior?"

"Un momento, per favor. Mi sposa vole haber le suppa del die, un omelette al gambon e como dessert le yoghurt. E pro me: Io va haber le suppa del die, ma io prefere le beafsteak con patatas."

"Gratias, senior. E como dessert pro vos?" demanda le camerero.

"Como dessert io vole haber le gelato de chocolate."

"Certo, senior. E que desira vos biber - aqua mineral, limonada, bira, vino?"

"Oh, no! Champagne - nos celebra nostre anniversario."

Quando le camerero apporta le champagne, senior e seniora Hansen leva lor vitros e toasta lor anniversario.

•  Questiones:

Proque es senior e seniora Hansen in un restaurante?

Que vole senior Hansen haber como dessert?

Que bibe illes?

Quo es le infantes?

Send e-post med spørsmål om interlingua til info@interlingua.no

Pagina principal